Stay hungry. Stay foolish.

今日依家留在家中無聊度日．起身睇下小說，食個lunch，再睇套vcd，咁又到六點．執好間屋等爸爸媽媽返來一家人食咖哩，幾開心．最近成家都好似上身咁不停食橙，食完飯後睇住電視起勢咁食，其他人唔知仲以為我地冇食過飯．不過我諗呢個情況在下星期就會改變，因為今日爸爸買左好多香蕉返來，所以下星期應該會係狂食蕉．

食完飯後我入左房上網睇有關申請Visa的事宜，唔親身試過都唔知原來美國呢個國家搞Visa真係好麻煩，相片的size又特別唔同，又多form填，又要去銀行入錢先，又要約領事，又要預備好多好多文件，總之一個字，「煩」！同Aalow講開申請Visa的事，佢同我講佢上一次申請Visa被rejected，我當堂呆左一呆，冇諗到真係嚴格得咁緊要，搞到我都有點兒緊張添！依家最緊要係搞掂返SEVIS，咁我諗我申請visa就冇乜大問題．

今日上網搵資料的時候，拎左本叉燒包memo用來記事，一打開，睇到頭一張係Vicky之前上堂時趁我睡了寫的「美人，有冇掛住我呀，老婆？你又想寫紙仔呀，上堂啦！唔好"中"眼訓喎，好失禮架！」覺得好好笑，記得果日我一打開本memo見到呢一頁時，真係笑到收唔到聲，好懷念上堂時的情境．

明天約了阿昌，阿咀去睇＜Matrix reloaded>，不過我連第一集都未睇，連個故事講乜都未知，都唔知明天點算．本來想今日去租第一集睇，不過又死懶，唯有寄望明天可以早些起床，睇埋第一集先出去睇第二集啦！