Stay hungry. Stay foolish.

昨晚仲同Emi講我的同學都好鍾意日本男仔（當然係講有型果種啦！），叫佢快快手幫我同Wataru混熟，等我第二時返到香港介紹佢俾我的朋友識，咁就開心死大家喇！哈哈！

搵日都要同阿Wataru影幅相放上唻俾阿Bonnie睇下滿唔滿意先！

今日搭的士去銀行拎張Debit card，沿途同個司機傾計，傾左好多野，聽佢講佢有幾鍾意功夫，又話想去中國學功夫，又聽到佢話上次舞關刀唔小心劈左自己一野就覺得佢都幾搞鬼，哈哈，有機會再坐的士再同佢傾過．

本來約左今晚同Carla，Emi同Wataru一齊去食飯，點知在Front desk等的時候落大雨，所以我同Carla就返左我房叫Pizza食．原來weekend的學校真係幾Free，我個同房同埋隔離房的人都返左屋企，依家成間房就係我自己一個人既咁，真係做乜都得，所以呢幾日亦都係我地幾個international student一齊玩的好日子．

昨日去了Emi間房，同佢傾左好多野，佢又搞左我講幾句日文．知道Wataru原來又鍾意廣末涼子，所以昨晚同Emi學左句日文今日同佢講，意思就係「廣末真係超級可愛呀！」咁啦，Wataru聽到開心得佢呀！

今日又係在library開個icq lite，又係Bonnie send左個Message俾我，又係中文變亂碼，又係copy唔到，算！下次在Library都係唔好開icq，就咁check email就好喇！

做左決定喇，點都讀埋今個semester先算，到時真係讀唔到先轉去讀Business．今日上完News Reporting Lab後去左Counselling centre問下我可以點做，我同佢講我怕我英文跟唔上，怕今個semester完左個grade會好低，咁如果到時我先轉Major，會唔會都影響到我Overall的GPA，好開心果個人同我講話如果我到時係轉去Business的話，我所以Journalism-related的科目都係唔會計落我的GPA的，只係會印落去個Transcript度．哈哈！我都唔理得咁多喇！既然有咁樣的機會，我父母又咁支持我的話，點都要搏下啦！一於今個semester都係讀埋Journalism先！

講真，我今日做Proof-read的時候的心理壓力真係好大，大到我夜晚走左去Canteen一個唔該就食左個Pizza．

雖然你係冇可能睇到，但作為一個對我都幾重要的人唻講，我點都要係度同你講聲，生日快樂呀，Breman！

Cash-scrapper，就係我喇！

最近真係用左好多錢，點好？好似仲有好多張單係咁飛緊唻，想死！

今日返學由朝早十一點返到夜晚八點，Miss左冇去到個international student picnic，所以都仲係未見到另外一個香港人阿添．

今日心情好唔好，諗緊轉Major的事，真係好唔想放棄Journalism去讀一些我唔係咁想讀的科，例如Business，但係事實又未必到我揀，因為我真係跟唔掂．其實真係好唔甘心，一心諗住唻美國都係為左讀Journalism，依家因為英文唔得而放棄真係覺得自己好冇用．唻到要用英文就預左啦，但冇諗到大家會講得咁快同咁美國，所謂的美國，係一些美國專有的字詞同埋Phrase．今日又去左上News reporting lab，同樣又係唔知做乜好係度行行企企，果個師兄又係度發癲係度玩．等左好耐，問佢地有咩我可以幫到手，隔左一段時間佢地先俾份Pre-writing我，叫我做Proof-read．當堂個心嚇左一跳，唔係嘛，你叫我一個香港人去幫你班講開英文的美國人去Proof-read呀？但冇計，都要頂硬上做啦，結果好易通長伴左右，但依家有大部份的「美國」係我唔識的，仲有，佢地的Grammar亦同我地平時在香港讀開的唔一樣．

心情好差，究竟我應該點做呢？照咁落去，我的GPA應該會低得驚人，會去唔到一間好的大學．但係我又唔係好想放棄Journalism，最重要的係，我真係唔係好想讀Business．

天呀！可唔可以唔好迫我呀？

差少少唔記得，明天星期三的五點至六點係我個Hall的hell hour，即係大家可以盡情咁開大所有音樂，務求要其他Hall的人知道我地的存在．唔知聽日會唔會好嘈呢？好在果時我去左上堂，哈哈，好彩！

今日的日記係http://maggie_wongym.tripod.com/26.doc ！

** 睇唔到的話就copy個 link再開個新window睇啦，咁就可以開到架喇！**

今日第一日上堂，第一堂係Intermediate Algebra，上十一點，所以十點起左身，整好野就出去食早餐．食完早餐就去左Science Centre度上堂，個阿 Sir個樣好似白頭神探,同埋都幾惡，有個男仔係度扮晒野咁多多野講，個阿sir就問佢「你係咪好想吸引人注意呀？」個男仔話「係」跟住個阿sir就好串咁指住個男仔話「拿，大家記住佢喇，佢叫做Sam Goody，唻唻，大家逐個逐個叫一次佢個名啦！」跟住要我地跟佢讀一次佢個名，先同果個男仔講「落堂唻見我！」，幾串！

落堂後去bookstore買blinder，買完去食lunch，食完Lunch就去health office度排期做health test，再去買兩本書就去上News reporting lab．呢一堂真係唔知佢講乜，因為個先生同班同學仔好似痴左咁講到鬼死咁快，仲要係唔駛呼吸咁講，所以聽到我一舊雲．好在識到個黑鬼，佢幾好人，之後再講返俾我聽要做乜，又話如果我有乜唔明就問佢．我同佢有四堂一樣，所以將來都應該會成日見到佢．（仲好，佢住我隔離個Hall，要搵佢都好易！）

之後去左上Computer aided publishing，用word打左幾篇野就走得，真係好，跟住就去食晚餐，就返歸打電腦喇！

睇下我去到 Vincennes頭幾日的生活:

http://maggie_wongym.tripod.com/17.doc
http://maggie_wongym.tripod.com/18.doc
http://maggie_wongym.tripod.com/19.doc

激鬼氣，又係打左一大篇中文display唔到，好在save左落電腦度，轉做文件Link返上唻算數！好唔明點解Vicky果個又睇到中文，係我呢個又要轉code又要呢樣又要果樣，仲要成日Short short地！谷鬼氣！

陶吉吉演唱會：http://maggie_wongym.tripod.com/daivdtao.doc
澳門兩日一夜遊：http://maggie_wongym.tripod.com/macau.doc

拆左Bonnie送的禮物喇~好靚呀~~多謝晒！如果可以的話，我一定會帶埋過去果邊用架！多謝晒呀邦邦！

出左去同Bonnie，Vicky，Becky去Italian tomato食飯傾下計，好開心，講左咁耐去食cake，今次終於都出到去喇！可惜今日唔齊人，不過我相信下次我返唻時就會齊返晒架喇！之後去行左一陣街，行Muji買信封，跟住又去食甜品．咁食法真係好肥，不過得返幾日食好野，點都食埋佢先算．最多唻緊一年我忍心唔食咁多野，下年返唻俾個靚正身形大家睇下！

同Becky搭的士上紅館睇陶吉吉演唱會，好期待！

拿了剩餘的英文notes給小敏，要做的事終於都做了，無負擔一身輕，家裡剩下的Hist和Geog notes，可以的就俾其他人，要不就在我上機前丟掉，反正，都冇所謂吧！去了又一城的Little Italy食晚飯，親愛的朋友仔又胃痛，結果兩碟食物全部落晒我個肚，應該又肥五磅．鬼咩，生活習慣唔好，日夜顛倒不特止，仲日日食公仔麵，個胃冇事先至奇．所以我都叫佢，今年返到去要自己煮下飯食，戒除唔好的生活習慣，始終身體健康係最緊要嘛！佢星期三就返過去喇，我同佢今晚見完之後直到佢走，都應該唔會見，見到佢今晚仲係好唔舒服果個樣，真係有點擔心，都唔知佢點樣自己一個人坐十幾個鐘頭飛機，之後仲要由Chicago駕車落去Kalamazoo．希望佢平平安安啦！

冇晒$70果隻mouse，佢買左隻samsung橙色光學mouse俾我，都幾靚，唔錯唔錯！

今日清一清個大衣櫃，將一些預備要帶去的衣服放入行李箱內．只係放了其中一少部分，但個行李箱都已經滿左喇，我諗，我要執返起一些東西，留待下年才帶過去了．

收到魚柳的sms，很驚喜！今晚先講開仲有幾日就要走，但就仲有好多friend都未約出唻，好似魚柳，小敏，白社人，另外仲有阿肥仔忠（雖然佢都係白社人一份子），Elaine等等，可惜睇唻都冇乜時間可以約到佢地喇！（各位好朋友，唔好意思，我知道你地好錫我，我都好錫你地，我唔係唔記得左你地，只不過係時間太少，所以唔能夠同到你地每一個人出去吧了，不過唔打緊呀，仲有大把時間嘛，我下年好快又返唻架喇，到時我再同大家出去玩啦！到時你地千祈唔好唔記得我，要預埋我玩先好呀！）

多謝阿祖送我的禮物：我想，用來墊拿mouse的手是最好的．

＊有時候，有些東西就是別具意義，才讓我們更加珍惜＊

阿太送左條玉手鏈俾我，十二生肖，好靚好鐘意，不過隻隻公仔都雕得好靚，我怕我咁粗心大意，一個唔小心會整到冇左一忽，咁就弊傢伙喇！

12:30am睇皇馬對泰國，愈來愈鍾意呢隊波，因為佢地實在係太勁．今場好多人都冇出，好在有施丹同卡路士踢返兩腳精彩波先冇咁悶．第一次阿朋友仔在我家逗留到咁夜先走，有人陪睇波的感覺就係唔同一點，真好！(原來我屋企附近三點幾四點仲有車返出去，我都係最近先知．)

剪了頭髮，怪怪的，總覺得唔剪好過剪．

終於都買了泳衣和泳鏡．臨俾錢時仲問定阿收銀小姐如果唔岩身可唔可以返去換另一件，人地話好，可惜聰明的朋友仔好快手咁將張單丟左，所以依家有唔岩都冇得換，有些少擔心．

最窩心的，是知道有班好朋友在身邊給予自己無限量支持．

昨日同阿Him，阿鉦，立仁，Oiwa，阿Man，阿金佢地去左石澳玩，真係好開心，可以話係我今個暑假玩得最開心的一日．其實我冇落過水（呢個可以話係昨日的一個遺憾），不過十幾年冇去過海濰，咁難得有班朋友仔同我去，果種心情，真係就咁玩沙都開心．

我成日覺得去海灘係一件麻煩的事，事實上又唔係．我地約埋一齊在筲箕灣等，然後去茶餐廳食飯，跟住去惠康買定夜晚去燒烤的用具，再搭小巴入石澳．去到果度，租左把沙灘遮，鋪好張席就開始玩喇！佢地游呀游，游左出浮台，我就係度玩沙．隔左冇幾耐，佢地就返唻，大家一齊踢波，踢毽，玩啤牌，影下相咁啦！果度個景色真係好靚，人又靚，不過最緊要都係身材好鬼正！在我們隔壁有班竹昇，班女仔個個都身材嬌人，個胸又大，條腰又細．嘩！我都好想有咁樣的身材呀，可惜呀，得個恨字，唔知幾時先可以著到三點式呢？（希望下年暑假可以啦！）

玩到咁上下，Oiwa去左搵爐，點知個場已經被人霸晒，冇得係石澳燒，結果阿Man打電話俾佢朋友book爐去赤柱燒．我地搭小巴再轉巴士入赤柱，去到join埋阿祖同輝光，跟住去百佳買野食．買完就搭的士入去懲教署宿舍度，開始燒野食．後來伍文傑都唻埋，佢起勢咁唱歌，搞到我成日都忍唔住笑左出唻．

玩到十一點幾，我，阿祖，阿金就走先．我地搭小巴出銅鑼灣，我再轉搭隊巴去紅磡趕火車，又俾我趕到，真係好．差不多一時多回到家．

我發覺咁多個朋友裡面，我應該係最唔識得煮食果個．Oiwa就唔駛講啦，見阿祖，阿鉦，立仁佢地都咁叻煮野食，我作為一個女仔，有時都幾慚愧．希望啦，去完外國返唻會識煮野食，下次返唻煮返幾味俾大家試下，睇下得唔得啦！

見佢地猛咁Plan定下星期二去遊船河的事宜，搞到我都好想好想去，可惜呀．．．決定左，要趁今年學踩水，然後下年返唻一定再捉大家陪我去過，哈哈！

Finally we reached an agreement: if I get good academic results, you won't hinder me again.

Get argue with her again, so angry and sad! I hate being treated like an idiot! I know what should I do, I know what is good and what is bad for my future. If you want me to do it better, just let me do it myself, don't bother me and it'll be fine!

[女人]
當一個女孩子說要氣死你的時候，她的意思往往是表示她很喜歡你。
不吃飯的女人這世上也許有好幾個，不吃醋的女人卻連一個也沒有。
無論一個人是天生機敏還是天生勇敢，都不如一個天生幸運的女子。
女人看到自己喜歡的東西時，就看不到危險了。
女孩子說沒有想什麼的時候，心裡一定有心事。

[男人]
一個男人若將一個女人當做朋友，往往會忘記她是個女人了。
男人就像小孩子，你要他聽話，多少也得給他點甜頭吃吃。
也許每一個能討女人歡心的男仕，都難免有點睡眠不足的。
要知道聰明的男人，總是會選擇個很適當的時候，來裝裝傻傻戇戇的。
男人的眼淚，有時比女人的還有用。

[友情]
世上唯一無刺的玫瑰，就是友情。
有朋友的人死得早。沒有朋友的人，活著豈非和死了差不多。
一個人如果能把他的感觸和他的朋友們共享，縱然無酒，也是愉快的。
聰明的主人都知道，用笑來款待客人，遠比用豐盛的酒菜更令人感激。
一個人往往會在最奇怪的時候、最奇怪的地方，和一個最想不到的人變成朋友 ，
甚至他們自己都不知道這種情感是怎麼來的。

[愛情]
世上若只有一件事能洗去人們的憔悴，那就是情人的淚。
人生的初戀只有一次，就正如死亡也只有一次一樣。
原來能為自己所愛的人吃苦，竟也是一種快樂，只是世上有幾人能享受到這種快樂。
人為什麼總是對自己已得到的情感不加以珍惜，卻在失去後再追悔呢？
而這種痛苦，本來就是人類最古老，最深邃的痛苦。

愛情不是佔有的，而是供給與犧牲的。

[哲理]
一個人的習慣，往往是別人都知道，而自己卻是唯一不知道的人。
走對了路的原因只有一種，走錯路的原因卻有很多。
黑暗無論多麼深沉，光明遲早要到來的。
睡眠無論多麼甜蜜，也遲早有清醒的時候。
世界上無論多麼神秘的事，總有一個人能夠解釋的，
只是誰也不知道此人是誰罷了。
越有趣的事越不能做得太多，否則就會變成很無趣了。

[人生]
多情人喜隱藏情感，遠遠要比無情人隱藏冷酷困難得多。
“隨遇而安”這四個字本身，就已包含著忍耐堅毅的精神在內，這實在是件很奇妙的
事。
當一個人流血的時候，往往就不再流淚。
無論是什麼人，在夢中、他永遠比在清醒時更為勇敢、更為坦率? C
逃避不一定躲得過 ，面對不一定最難受 ；
孤單不一定不快樂 ，得到不一定能長久 ；
失去不一定不再有 ，轉身不一定最軟弱。
別急著說別無選擇， 別以為世上只有對與錯。

許多事情的答案都不是只有一個。
所以我們永遠也有路可以走。

你能找個理由難過， 也一定能找到快樂 。

懂得放心的人找到輕鬆 ；懂得遺忘的人找到自由；懂得關懷的人找到朋友 。
天冷不是冷， 心寒才是寒。

願您的心仍然都是暖暖的..................

To Vicky,
Happy to know that you are going to study Journalism. Although it's not your dream school, you can study your dream subject here. Your brother is right, this is your dream for long, so just put all the minor problems away, those like the brand of the school, the reputation, etc. throw them away. Whether you can be a succefful journalist depends on you, not the school, remember this all the time, so work hard in the coming years, I know that you can do it very well. Bless you!

To Tracy,
I feel so sorry about your result, in fact, it's really out of my expectation. I had never thought about the situation like this. All I can say is that "sorry, you are really unlucky!" But it's not your fault, it's the fault of wrong timing and no luck. So, don't give up. It's just a little problem in your life, you have to overcome it and move on. Tracy, I know that you can do that! Prepare yourself well this year, no matter you are going to study or to work, work out your best. You will have a friutful result next year.

To all my friends,
Some of you are going to enroll in univeristies, some of you are going to study the associate programmes and some of you may preparing to go to work. No matter what happens, I am here to stand by you. If you wanna talk to someone, don't hesitate to phone me, I am right here. Finally, I hope that all your dreams come true and we can all be so successful in the future. Bless you all and love you!

Maggie

Feeling better after talking to Jenny on phone.
Maybe she's right, I shouldn't blindly obey to their request.
Sometimes I should care more about myself if I haven't done anything wrong.

So damn!

去了Farm，買了件沙龍，講了二十五蚊價，多好！

倒數還有兩星期便會離開香港．

沒有太多離別依依的感覺，也許是見得太多去了外國的同學仔來回香港外國的關係，始終覺得，我只係去讀書，又唔係去移民，好快，一年後又會再見，所以唔需要好傷感，就好似我在香港的時候，我見去了外國的同學比見留在香港的同學還要多，因此覺得闊別一年根本不是什麼一回事．

最放不下的是父母，擔心他們為我擔心為我憂傷了身體，又怕沒有人陪他們逗他們開心．知道爸爸媽媽都好錫我，要同佢地分開四年真係唔容易．見到不懂電腦的爸爸媽媽為了將來可以同我保持聯絡，為了用netmeeting和我在網上見上一面而去學用電腦、學用ICQ時，對於自己未能陪在他們身邊，覺得自己實在有點不孝．

將來兩星期，想多陪陪家人．

「要進步必須先忘記以往曾有的成就」在書裡看到的一句很正確的話．

從多方面去看，我的確比以往差了很多．最差的，是我一直沒發覺自己變差了，直到今天，看到一起成長的朋友仔各自有各自的成就，又或是已經擁有解決困難的能力時，我才驚覺自己被拋離得多遠．我常常以為我還是以前的那個我，什麼都好，好得令人羨慕；不知道過了七年的時間，我，仍是在原地踏步．

學業？人際關係？其他才能？我什麼都沒有．

七年了，今天看著身邊的人一個個的超越自己，心實在不好過．可能你說得對，我太膽小，永遠都把自己埋在沙裡頭做隻鴕鳥，卻不肯踏出一步去嘗試，沒有去試過，當然不會成功．是，我不應該再把自己埋在七年前那個華麗的沙堆裡，要追回這段時間的所落後的步伐，我應該要努力去追，步大一點，快一點，一步步追回我落後的路．

四年，我只有四年時間．要跟得上大家的步伐不容易，但我相信，對於回復自信和好勝心的黃亦敏來說不是一件難事．

相信我，我已經回來了．