Stay hungry. Stay foolish.

一心要食酒店套票送果個早餐, 諗住小睡片刻早起身落去, 點知周公唔放人, 最終都起唔到身. 阿謙仲勁, 為左食早餐而通頂, 可惜最後又係俾周公捉左去, 仲要係早餐開始前一個鐘先失守, 真係冇陰公! 總括來講, 我地四個人一直到十一點幾先起身, 多得阿祖係唯一一個聽到鬧鐘響的人, 如果唔係佢我地肯定趕唔切check out, 然後就要俾多一晚房租. 不過話時話, 我真係連少少鬧鐘響的聲都聽唔到, 真係擔心將來點樣自己搬出來住, 唉~

快快手整好野, check埋out就去左新馬路鉅記度買手信. 以我記憶所及, 澳門最出名的乜唔係咀香園咩? 點解冇唻一段時間會變左做鉅記? 鬼死咁多明星相係門口, 好似好勁咁, 我地逗留左都唔知有冇二十分鐘, 見到的情況真係只可以用「貨如輪轉」同「客似雲來」來形容, 唔知佢地每日的生意額會唔會多個二十萬呢? 我地買左幾盒杏仁餅, 幾包春卷仔, 幾包香蕉糕, 幾包花生糖, 幾包豬肉乾同一包老婆餅後就坐的士去三盞燈度食魚湯粉.

其實果間野的魚湯粉都冇乜咁特別, 亦都唔係真係太好食, 不過一場來到, 就當叫做見識一下當地的馳名小食. 可能果度太多人, 個女侍應遲左拎碗野俾我地, 結果碗野索晒水兼且有少少涷, 我諗如果個湯唔係咁杰的話碗粉應該都okay的. 食完粉後, 我地坐的士去路環小型賽車場, 其實都掙扎左幾耐究竟去唔去好, 話晒落緊毛毛雨, 我自己就冇玩過, 但聽阿肥講都okay危險......不過阿謙想玩, 咁唯有去碰下運氣啦!

坐左七十幾蚊的士, 去到等左個幾兩個鐘, 錢都俾埋鞋都換埋, 居然呢個時候班師傅先同我地講話個場仲好濕, 太危險, 叫我地唔好玩; 唔係, 佢冇直接講, 但就話「拿~ 咁既然你地係都要玩, 咁我都要俾你架! 你想玩咪玩囉!」聽佢講到好似我地要去死佢冇理由阻止, 又講到淺起的水柱會去到成米高, 又話跑道太滑唔適合轉彎只可以玩直路咁, 我地幾個最怕死的當然第一時間返去退錢啦, 始終生命寶貴嘛! (阿謙, 真係唔好意思, 用左咁多錢過去居然玩唔到你想玩的; 下次有機會再去的話我再同你去玩過啦, 好唔好?)

跟住我地坐接駁巴士出返去葡京路度再轉巴士去瑪閣廟. 我地買左一紮香大家一齊拜, 睇下廟入面果隻百年大海龜, 仲上埋去頂頂個觀音閣. 阿肥想求籤, 不過我地上到去時, 解籤的大叔要收工, 於是乎我地行左落中間果間細廟度, 點知阿婆婆話佢唔識解籤, 叫我地落去大廟度求. 聽婆婆講原來呢間細細的係咁多間廟中最老的一間, 已經有成五百幾年歷史, 仲要係天后娘娘親自選址的 (唔怪得可以保存到咁耐啦!) 之後我地落左去大廟度陪阿肥同阿祖兩個求籤. 解籤人的口音真係好搞笑, 究竟係金錢定係感情困擾呢? 大家聽到的都有唔同, 迫住阿肥要當面問下佢要佢解釋一下, 哈!

之後我地坐巴士去港澳碼頭, 原來都差不多夠鐘上船返香港喇! 唉~ 拜拜, 澳門! 又要等下年返來先可以再去玩!

講左好耐, 今日終於都實行到, 同阿肥, 阿祖同阿謙四個人去左澳門. 基於大家都冇乜錢的關係, 我們買了一份酒店連船票的套票, 另加兩套來回船票. 由中港城出發, 個幾鐘頭船就到澳門. 去到搵酒店車, 等左好耐都冇, 見到有一大班拖男帶女扶老攜幼的也在等心中暗叫不妙, 唔知架車來到時上唔上到. 終於架車到左, 睇一睇, 原來架車由三間酒店共用, 唔怪之得堆堆埋埋咁多人啦! 醒目的我地頭一批上車, 但一位比我地更早上車的師奶懶醒咁將幾個膠袋放在後面兩個位上面霸位, 於是我一手就丟左佢個袋返去佢自己個位度就坐低. 不過架車真係好唔掂, 個泠氣係咁漏水, 唔係, 應該係係成樽水倒落個頭度咁, 搞到明明冇落雨又冇游水都濕晒身, 無奈!

去到酒店, 阿祖同阿肥去check in, 我同阿謙兩個就係四圍行左陣, 等佢地搞掂晒就一齊上房 (不過我地唔係應該分開上房架咩?) 放好晒野, 再抖左陣就出動.

第一個行程係去搵風水神相. 太多問題屈係個心入面太耐, 今次一定要問清楚. 我冇同阿伯講我上年睇過佢,佢就當我係一個新客仔咁睇. 佢講的同上次的一樣, 都係果幾樣野. 我聽完之後鬆一口氣, 好彩, 仲未死得! 不過今次問左佢一個我頂左好耐的問題, 點知…..個答案真係出乎我意料之外, 估唔到…..阿伯, 呢一年真係俾你玩謝! 早知係咁, 我就唔駛咁擔心, 擔心咁耐啦! ?

睇完阿伯後我地上左去大三巴, 買左幾盒沙炮同阿肥來個沙炮大戰, 結果最後變左兩個夾攻阿祖, 但都係俾阿祖轉頭追住唻打. 最好笑係阿祖話要好似趕馬咁趕阿肥跑樓梯, 有人講左句「我係豬唻架, 唔駛趕架!」笑到我收唔到聲. 係大三巴影左幾幅相, 又上埋炮台度影左幾幅就行返落山. 我地幾個人唔識路但又想試下自己行, 結果當然係迷失澳門啦, 最後都係坐的士出返新馬路.

聽司機叔叔講有間葡國餐廳幾好味, 於是我地就去左果度食晚飯. 今餐好豐富, 食物水準都幾高, 唔~ 好滿足! :) 跟住我地周圍行左陣就返酒店, 然後再坐車去賭場.

金沙賭場的裝修真係幾靚, 最好係佢有好多老虎機玩, 一蚊鋪, 於是我地每人換左$40玩, 結果得阿肥一個人贏, 其他的都全軍覆沒. 在金沙見到許冠文, 佢個樣真係好搞笑. 我地幾個睇左陣歌舞表演, 再周圍睇下人地玩百家樂, 搵埋玩「大家樂」張?後就走.

去左酒店附近一條街度食宵夜, 每人一個甜品 (除左大食謙要食麵外) 再外加一份餃子, 飽晒! 食完之後又再出動!

去到另一個叫做法老王的賭場, 呢度冇金沙咁大, 不過個裝修都唔輸蝕. 每人整左個會員証後就入去玩. 我同阿肥睇人玩左幾鋪大細後, 每人夾左$50玩一鋪. 當阿肥叫個荷官換籌碼的時候, 有人拍佢膊頭話「哦! 仲唔俾我捉到你賭錢?」原來係阿肥個表哥, 估唔到在澳門都撞到熟人, 真係嚇死….阿肥! 哈! 最後我地贏左兩鋪, 又輸返一鋪, 每人拎返$100走, 即係今晚我總共贏左$10, 哈! 都算叫贏啦! ?

返到酒店, 大家輪隊沖涼. 當阿肥沖緊涼大家冇野做的時候, 我地睇返今日影的相同短片, 哈, 睇返阿肥行石仔路個樣真係好過癮! 阿祖突然間學金沙班鬼妹般跳舞, 學得好似, 仲要學埋佢地咁叫, 哈哈, 笑到我同阿謙痴左線. 大家都沖晒涼之後, 我地計劃下聽日去邊, 同埋傾左陣計就去拜見阿祖個太爺, 同阿周公講聲Hi喇!

今日本來要睇牙醫, 不過白白痴的我最後都冇去到. 十點鐘已經出到又一城, 冇事做又唔想返屋企, 於是去左super sandwich食個早餐, 然後去page one睇書. 睇到十一點幾, 媽咪打唻叫我同佢一齊食lunch. 食完同媽咪行左一陣, 出左去同大衛去書展. 都話左真係唔想去書展架啦, 結果一如所料, 買左好多書, 又清袋 L 跟住同大衛坐東涌線, 再自己一個人搭荃灣線出旺角.

等家姐的期間撞到珊姐同阿謙, 傾左一陣就去join家姐. 好無奈, 點解日日都開到十二點, 係今日特別收得早呢? 有時就係咁玩野, 所以都真係冇乜好講. 跟住上去仁寶食飯, 諗住坐多陣就走, 點知講開一些令人傷感的事, 忍唔住喊左出唻. 原來今日唔知聽日事, 乜野預計唔到的事都有可能發生, 學家姐話齋, 真係要好好珍惜身邊的人. 雖然我唔識得果個人, 但諗到果一刻的情景, 我都感覺到果一份淒涼, 世上最令人痛苦的也莫過於此.

忽然想起我最愛的一首歌, 記起那個五分鐘的擁吻, 想起一段段往事, 認清了一個事實, 傷心不已. 很想問你:「最愛你的人是我, 你怎麼捨得我難過?」痛心的不是分開的決定, 是我提出的, 不會後悔. 只是沒想到我深愛過的是如此膚淺, 是出乎意料的令人失望. 永遠愛你不是隨口說的, 我對你的愛只會在我斷氣的一刻停止. 不再是男女之間的愛, 但另一種更耐更堅固的愛卻會一直延續下去.

在生離死別的比較下, 才發現愛情帶來的痛是那麼的微不足道.

起床時已經兩點幾, 睇下手電, 有三個missed calls, 分別來自大咀, 阿太同家姐. 打返俾佢地, 同佢地講我唔出去飲茶同埋晏些少先上仁寶, 跟住就起身換衫出去搵大衛.

由於太趕的關係, 戴耳環呢個動作就留返係火車上面完成. 可惜一向男仔頭的我, 半年都唔戴一次耳環, 原來有一邊個耳窿已經埋口咩都戴唔落. 嘗試用力左拮右拮, 睇下有冇機會可以好似上次咁自己穿返個窿, 不過今次冇咁好彩, 隻耳仔見晒紅都係戴唔返隻耳環, 唉~

半年冇見, 估唔到大衛兄都仲keep得幾好呀! 去左食下午荼(其實係我地的早餐加午飯), 傾下呢樣傾下果樣咁又過左好長時間. 跟住去行下街睇下衫, 陪阿大衛兄去睇型到爆的西裝褸, 跟住去左睇電話.

又係度見到甘美, 兩個人作狀扮買電話同sell電話. 我話最近都冇乜款靚, 想買部可以影相, 有相來電顯示, 又要細部同埋輕的摺機真係唔易, 得motorola果部叫做岩條件, 但甘美立即好絕情咁話部機超樣衰, 叫我點都唔好買. 後來甘美介紹部三菱的俾我, 大衛係隔離又加兩咀講埋一份, 點知俾甘美串鬼佢果部得25色, 當堂成個人頹晒冇野好講.

之後大衛約左人打波, 我見阿太同家姐都仲行緊街, 於是乎走去尖咀搏買Tiffany. 係地鐵站撞到好耐冇見的simon, 傾左一陣先走. 去到半島先知果間Tiffany裝修, 十萬個無奈, 兜左兩個圈都係頂唔順要走.

上到仁寶照例打緊麻雀, 於是乎我走左入房玩電腦. 冇幾耐阿太同家姐返唻, 仲有玲姐, 寶如同阿強. 幾個女仔入房傾下化妝品護膚等話題, 講到咁上下就出去食飯. 第一次揀左隻深藍色的碗, 唔要淺藍色, 要學下習慣, 唔好等第日先唻轉咁麻煩.

同阿太, 家姐, 強姐同bowie傾到點幾, 已唔到尾班車, 於是阿太唔俾我走, 要我留低過夜. 咁多年來只留過在仁寶過夜兩次, 佢走之前係第一次, 今次係第二次; 估唔到呢個時候我居然會係佢屋企渡過. 見冇野做於是乎再接再厲, 一直講到三點幾bowie同阿太先走, 我同家姐同強姐三個就傾下玩下搞到天光先?覺.

真係好感激大家咁錫我, 就算我地已經唔係一齊, 但佢地依然係對我一樣咁好, 真係好感動. 無論將來係點都好, 我都會去探大家, 因為我係仁寶的一份子嘛 :p
?到十二點先起身, 見大家都仲?緊, 於是寫低張紙走先. 去左cwb, 買左件一直都好想要的東西. 家姐問我點解咁想要又唔一早買, 當然錢係一個好重要的問題, 但係最重要的, 係呢件物件對我的意義. 我想要它, 更想要由他送給我的它. 家姐笑話不愁冇人送給我, 哈! 可能吧! 只是每件物件背後總有一個故事, 這故事也為它訂下了一個價; 就如很多人都認為汽水蓋掩好cheap, 但對於一個其初戀男友用汽水蓋掩當做指環送她的女人來講, 這個汽水蓋掩的價值可能比一枚紅寶石指環還要高. 愛的不是這個蓋掩, 愛的是它背後那個曾經擁有的承諾; 縱使最後做不到, 但至少我們曾經有過這個想法亦一起努力過. 這是一個紀念品, 因為你而特別, 因為它代表著一個無法完成的承諾. 至於我, 不會強求什麼, 只是覺得這個「承諾」既是屬於我倆, 我絕不許別人來玷污, 如果真要破壞的話, 由我親手破壞好了, 與其由別人手上得到, 倒不如我自己買下. 買了它, 圓了一個心願, 也完了一份眷戀.

最近情緒太亂, 看到個較為感人的故事, 聽到首稍為悲情的歌, 忍不住會想起往事, 心頭一酸. 坐在下層第四排, 不覺意抬高頭向上層望了一眼, 看見一對男女相偎而坐, 在暗黑的音樂廳裡, 我忽然想起了你.

去左睇HKU Joint hall cultural evening個show. 個表演幾好睇, 特別係個drama, 個編劇編得好好, 女主角同成班男配角又做得好出色, 我覺得以業餘的角度去睇, 成績已經係相當不錯, 十分我都會俾八分佢.

另外有一對男女合唱兩首英文歌, 男的貌似林一峰, 女的個樣好熟, 肯定在邊度見過, 不過到依家都仲未諗得起; 不過樣唔係重點, 重點係佢地把聲真係好聽得好緊要, 特別係個女仔, 高低轉聲果下厲害到......我都不得不俾十個叻佢! 如果可以的話, 真係想叫佢地encore唱多次, 真係好耐冇聽過咁好聽的歌聲!

剩低較好的就係做壓軸的St. John choir同埋唱民謠二重唱果兩個女仔, 其餘的都係普普通通啦! Anyway, 今日去睇呢個show都算有點收穫, 至少可以感受一下香港的大學生果份投入的精神嘛! :p

Couldn't go to sleep for almost a week, sh*t! Why would it happen on me? I really wanna sleep, I dun wanna stay up all night and think of something stupid anymore. Please god~ let me sleep, please!

If it's destinated to be a failure, then why should we start the story?

Can't stop listening to Sandy Lam's today. I think I have listened to it more than 50 times today. The best part of the song is the piano part, woo~ you know how many times I really want to cry after listening to it? The first time I really wanna play piano and practise this song.

Will the picture in my mind really happen one day?

 # posted by Maggie @ 9:54 PM

Happy Birthday to my dearest Him and Vincent

Chatted with Brush today, heee~ :) H.A.P.P.Y.
"Selamat malam. Saya mahu cium awak......" he taught me to send it to Ed and waited for his reaction :P Hee~ Ed's reaction was... okay Brush! Thank you so much~ I owe you this time~! I will buy many sweet soup for you when I go back lol~

* Seriously, thatz what I really wanna say to you :) aku cinta kamu!

懶左冇寫日記, 一唔寫開就少寫架喇~! 就係咁個日記就荒廢多日喇!

前幾日出左去同阿Him慶生, 有我, 阿肥, 阿祖, 阿金, Oiwa, 肥葉, 珊姐, 輝光, Ricky, 阿聰, 當然唔少得就梗係阿壽星仔Him啦~ :p 先原一早約左阿肥出去買野俾Him, 唔好意思, 我又遲到~ (我真係發覺我自己冇乜邊一次係準時, 對唔住大家) 出到去居然俾我地撞到Lilian同Catherine, 於是齊齊過銀城影貼紙相.

影完之後我地兩pair人就分手各自行. 臨走同Lilian佢地say bye的時候, 隔離有位哥仔好無聊咁係度扮我地揮手講bye bye, 於是我擰過去睇下邊個人咁白痴做咁既事啦, 呵呵~ 果個居然係我表哥! 講明先, 我表哥本身係唔知果幾個女仔入面其中一個係我架下, 即係呢, 我表哥係度當街撩女仔, 又好唔好彩咁俾我呢個做表妹的捉到囉~! 嘩! 瘀爆呀! :p

跟住同阿肥去左金聲後面果度食十蚊河, 阿祖同阿金打電話唻問我地係邊話唻join埋我地, 我又唔識講喎, 咁望出出面鋪位對住係金發物業, 咪就咁講話係金發物業對面俾阿祖聽囉!哈哈! 搵左佢地成平個鐘呀~ 唻到即時俾人話「你話係金聲同廣華醫院夾住果條街唔得既, 隔離大大間馬會係度你又唔識講, 好講唔講就講間咩金發物業, 搵死我地喇!」sorry呀~ 咁我係天生路痴唻架嘛! :(

之後行左去買禮物, 又四圍行下去睇下野咁啦, 等到八點就齊人上去食韓燒. 嘩~ 第一次食韓燒食得咁少野, 唔係話乜, 今日見到果撐油都真係怕怕, 好俾面咁食左阿金燒果塊牛肉仲有阿肥燒果塊豬肉就算喇! 跟住係切蛋糕同唱生日歌, 我同阿肥夾份送左隻Bloody Mary俾阿Him, 哈哈~ 一睇佢個衰樣就知佢有幾鍾意隻野啦~ 係囉~ 夠實際好用嘛, 呵? 哈哈~ :p

影完全家褔後冇幾耐就返屋企, 冇跟佢地去打通宵牌, 幾乖女呀! :) (其實自己係屋企都係搞到天光先?架喇!)