Stay hungry. Stay foolish.

今日約左張翠容6:30訪問，在又一城Pacific Coffee，不過我地自己約早十五分鐘到去預備，我專登早出門口，結果再早十分鐘就到．去到打電話俾Vicky，原來佢同大雪都到左，所以我地約埋一齊就去Pacific Coffee．去到搵緊位的時候，見到張翠容已經到左，嚇了我地三個一跳，其他人都未到，得我地三個，叫唔叫佢好呢？最後我同大雪搵位，Vicky叫佢，大家坐低再慢慢傾．後來龍仔、雀仔、Miss Au妹妹同第一次見的Timmy陸續出現，大家到齊以後，訪問就開始．傾左大約兩個鐘頭度，講左好多有關佢做記者的經歷同感受，同埋佢對和平的睇法，我覺得佢講得都幾有道理，好值得我地去參考，其中有一句佢話「知識就是力量，知識引領你走向真相」，我覺得呢句係一句對每一個人唻講都係好值得去參詳的話．記得幾年前亞視電視台有一個節目，專訪一些改善中國環境，人民生活的人．其中一集訪問一個引入灌溉技術到農田，令到偏遠山區長期受旱災困擾的農田地區得到改善的人，好記得他說了一句「知識就是力量」，冇錯，沒有知識的協助，縱是你有雄心壯志，理想也不能達成．所以我要努力讀書．我要利用我所學的去改善這個世界．

我總覺得上天給我一個機會可以幸福地成長，食得飽，著得暖，有書讀，有屋住，是為了要我去負一個使命：利用我所得到的，去令未能得到這些享受的人得到這些享受．我有機會讀書，所以我要發揮我在書本上學到的，去幫助一些冇書讀的人，我可以做的事有好多，最基本我可以去教一些唔識字的人去認字；我有機會食飽，所以我唔可以浪費每一樣食物，要將我可以供給的捐助俾有需要的人．我覺得這就是作為人的目的，如果有朝一日人人都能夠這樣做，呢個世界應該會幾美好．

講返正題，我覺得張翠容個人幾nice，幾causal，同佢做訪問就好似係同朋友傾計咁，大家都可以好輕鬆！好高興今日有機會見到佢同佢做個訪問，得著都幾多，好希望唻緊七月佢去完中東之後返唻真係會搵我地幫佢手做research又或者去書展幫手，如果我真係有呢個機會就好喇！