Stay hungry. Stay foolish.

昨晚Graduation Dinner，在尖沙咀的Mint餐廳度搞，搞得好成功，大家都玩得好開心．今次話到明唔去酒店，唔駛大家著得太拘謹，所以今晚大家都好Causal咁唻．大家去到之後周圍拉人影相，影到咁上下，校長唻左，於是大家返埋位開始今日的晚會．首先係食頭盤先啦，然後就玩搶答題，好唔好彩地我果組次次都唔夠人快企起身，一係就同一時間企左起身但猜拳決定邊組答時猜輸左，結果我果組在呢一個環節的分數係零架！跟住大家就食主菜喇，今晚的食物質數都幾高，我好鐘意佢果個雜菜，清得唻又唔會太淡，幾好！好喇，食完主菜就玩馬拉松．可惜因為冇咪的關係，大家都聽唔到出去玩的人講緊乜，所以出面有出面的人係度玩，大家有大家係度傾計、影相．之後到食甜品喇！嘩，有tirimisu，我果組的人就好似short左咁，起勢咁食，連分都費事分，每人一匙咁就食左佢喇！當其他人的tirimisu只係食到一半都唔夠的時候，我地個tirimisu已經見底喇！恐怖程度就有如蝗蟲岩岩飛過咁！不過我就唔係好食tirimisu的，所以我就負責食左個生果盤佢喇，我諗我自己一個人都食左兩個Kiwi，半個Mango，四分一個哈密瓜同密瓜啦！跟住就玩世界之最，我地組依然係冇贏過，到最後有一題係「最粗」，唔駛講，我果組都一定係我出啦，不論係度手臂定大脾，我相信我都能夠勝出呀！（呢一種認知真係令人心酸）開估喇，原來係度最粗的頸，雖然我唔係最粗果個，不過都可以留到最後，幫我個組贏到十分．最激氣係阿校長居然大大聲聲咁話：「駛乜度呀？阿黃振峰妹妹贏晒啦！」又話：「阿天（我地個副校）邊度贏到阿黃振峰妹妹呀？」真係想打鬼佢！

其實之前已經想打阿校長一次架喇，首先係有好多人都話我瘦左，咁我行過去同校長打招呼時咪問佢：「譚sir，我有冇瘦到呀？」點知佢話：「下？講真就肥左！」我呆一呆就話：「唔係嘛？佢地個個都話我瘦左喎！校長，你唔好咁講野好喎，我岩岩先去左做一星期gym，做得好辛苦架，你唔話我瘦左不特止仲話我肥左？」點知佢又話：「唏！減咩肥呀？你肥肥地咪幾好睇，你減唔到架喇！」我即刻話：「下？校長你依家係咪撩交打呀？」真係激死我！

Mint果度有個好人waiter，有個撩Tracy打交的waitress（講笑），話說我地玩世界之最「最快」的時候，阿waiter哥哥提水俾我地知係要鬥快飲汽水；而玩「最高」的時候，我地組派左Tracy出去，點知隔離個waitress姐姐就話:「哦~我知玩咩最高喇！係最"高、瘦、平"！」所以我地話佢係撩緊Tracy打交，哈哈！

今日係Ricky送左枝筆俾我做手信（其實係我走埋去搶架！），仲請左我食朱古力，多謝晒喎Ricky！至於另一個Vicky呢，因為佢係今次Grad din的搞手，所以冇乜時間陪我癲，不過我地都趁大家唔為意時，出去跳左part舞，幾開心呀！

今日見到好多好耐冇見的同學仔，好似science班的同學啦，又好似係Catherine啦！Catherine返左唻，見佢塊面肥左，突然間有少少驚，唔知我去完外國返唻係咪又會肥左好多呢？我唔要呀！依家已經夠晒肥喇，唔要再肥落去！今日同左阿殷海龜（唔好意思，依然係好鍾意咁叫你！）、阿倩雯姐影相，佢地真係自從中一以後都冇乜點兩句喇！特別係海龜啦，你知唔知道就係因為你的一句說話令到我的起人肝要減肥？不過我諗除左我，又或者另外一個人之外，都冇乜人會知呢件事喇，哈！

今日阿誠都唻埋，好開心，大家又影相又發癲，始終大家白社人嘛，係玩得放些少既！好高興阿誠同我講話佢有可能過美國exchange，更加開心係佢話佢去到美國唔理點都會去搵我，真係好！鍚晒你呀，阿誠！我會等你架喇！