Stay hungry. Stay foolish.

今日阿謙生日，同佢、珊姐、阿祖、立仁、輝光、肥歐、阿金、Carmen（阿金女友）、Oiwa出去左食飯慶祝．去左瓊華間漢陽苑食，都幾好咁啦，不過限定時間得兩小時，唔係好夠．一路食飯一路被佢地話鬼我肥，又叫我唔好食咁多野，幾個正死野．食完之後去左兆萬影左張貼紙相，影得我真係好肥好肥，效果實在可以用驚嚇唻形容．本來諗住同佢地影多幾張貼紙相，又或者影幾張卡拎過美國果邊，不過趕住食蛋糕，所以都係留返下次先啦！我相信我臨走前都仲會有機會既，如果冇的話咪等我下年返唻囉，都好快咋嘛！行行下去左洗衣街公園，唱左一句生日歌（真係得最後果一句），跟住就開餐食Oiwa整果個芝士蛋糕．一開始真係被Oiwa flake左，以為果個蛋糕係佢屋企留下買的，原來買的只係裝蛋糕用的紙盒，真正的「內涵」都係Oiwa整架！講真果句，個蛋糕色香味都合格，仲鬼咁對正我胃口，真係得閒要搵下Oiwa要佢整多個唻嘆下．特別鳴謝親愛的阿謙同肥葉，幫我食大部份的芝士，俾我食底部份我最愛的餅餅，你地真係好人．食完蛋糕就一路行上去新世紀，話坐埋一齊飲下野，傾下計，但好唔好彩上到去的時候個商場都開始關門喇！行左過旺角GV門口，大家坐低無聊下，隔左一陣，Carmen同珊姐都陸續走人，肥葉又跟手入長洲，結果我就係第四個走人，約埋阿暉就返屋企喇！

7月12日，點都要同阿謙講返句：「生日快樂！」恭喜∼