Stay hungry. Stay foolish.

阿駿返左唻，所以夜晚出左去同佢、媽媽、三姨三姨丈、五姨五姨丈食飯．見到阿駿個頭，第一個感覺係：「咦！又玩新款？」後來先知原來佢係電髮電衰左，搞到個頭蓬鬆左少少．其實我覺得佢個頭有少少似某意大利足球員的髮型（我都唔記得果個人叫咩名喇！），都幾好睇，不過用成百二蚊加紙電就唔係好抵囉，因為阿駿本身個頭就已經係咁鬈喇嘛，只不過以前係向內，依家變左向外，冇乜大分別．聽阿駿講左好多在外國生活要注意的地方，佢又教我可以上去網上購物，都幾好幾有用！我都想好似阿駿咁，理財理得咁好．

下午的時侯同阿暉出左去買Web cam，我地每人買左個Eagletec．阿暉在第一間鋪頭見到個web cam賣$290時就話要買，我話行去第二間睇下先仲被佢話鬼我：「呢度間間都係呢個價架喇！」呵呵∼係咩？又被我咁好彩搵到間係$260喎！所以話呢，都係我呢個至抵精明女叻過佢些少，哈！另外再去買左兩隻game，兩隻都係sims，不過一個係酒店一個係市民，冇呀，聽阿小成日講話The sims好好玩，搞到我都想玩下，如果真係咁好玩就等我拎過去美國解下悶啦！

終於都等到果兩本Bio書外加一本maths書，不過睇返居然乜都唔記得晒，真係．．．有點兒擔心8月個Placement test，我唔想失手在maths呢一part呀，我話過我一定要入Honors Programme呀！