Stay hungry. Stay foolish.

今日上computer aided publishing的時候，個阿sir又好似平時咁每人派張紙，叫我地寫自己個名，日期同埋上咩堂，跟住就問一條題目叫我地答．通常佢都係問「今個週末玩得開唔開心呀？」「唻緊有咩計劃？」之類，不過今日個阿sir有做野，就叫我地自己諗一條問題再自己答返．其中一個同學仔就話「不如我出個題目大家答好唔好呀？」大家當然都冇異議啦！點知佢居然話「What is your favourite position?」先頭我都唔知咩事，不過見到個個聽到之後都係度淫笑我就知喇，講到尾又係賤野啦！好喇，阿sir返番唻，跟住大家就傳張紙上去等睇戲．阿sir一路收張紙就一路問我地諗左個咩問題，其中一個同學就同佢講「我地本來想講邊隊係你最鍾意的足球隊，不過有個人（手指住出問題果個人）佢話要問最鍾意的Position喎！」阿sir聽到面都紅埋．平日佢會唔開名咁讀我地的答案出唻，不過今日佢唔肯講，咁話係秘密，同學仔就起哄叫佢講出唻．由於我地都幾嘈的關係，另外一個阿sir就入左唻問「咦，你地係度做緊咩呀？」跟手就拎起疊紙讀答案，結果有前有後有上有下，笑到我地痴肺．講完晒，我地個阿sir就問另一個阿sir知唔知我地個題目係咩，果個阿sir就話「梗係知啦！你地班真係有創意喇！Yeah！」總之當時的情況就好搞笑！後來我個阿sir都有用呢樣野唻講下笑搞下氣氛，不過最後佢都話「下次都係我出返問題好喇！」