Stay hungry. Stay foolish.

一來又係成晚, 原來我真係好需要發洩. 傾左好多好多野, 由讀書到男仔到住屋到買車, 同Ika一傾就傾左四個鐘頭. 冇估到我地可以再一次咁傾計, 上年的事就好似冇發生過咁 :p 其實, 我真係好開心可以同Ika做返朋友, 唔知點解我就係唔可以放棄佢, 總覺得佢有樣野係特別吸引住我, 無論點都真係冇諗過要放棄佢!

開始明白點解我咁鍾意Edwin同Ika, 因為佢地兩個人做到好多我做唔到的事, 佢地好勇敢, 好樂觀, 亦都好有毅力. 佢地講得岩, 我似乎忘記左我來這裡的目的, focus了在一個錯的地方. 到於這一點, 其實我是知道的, 但係要做到好似佢地咁豁達又談何容易? 可能係成長環境唔同的關係, 又或是我呢幾年唻一直被灌輸一種錯的觀念, 搞到我依家諗野怪怪的, 同大家脫晒節啦! "拎得起放得低", 如果我能夠早些學會的話, 我的人生會快樂幾多呢? 不過, 大個喇! 唔想變都要變, 以前唔識做的今日要做到, 呢個就係人生. 如果只係平平穩穩咁過一世的話, 人生做咩要有成幾十年咁長? 就係因為要經歷, 要學識從經驗中吸取教訓, 要好似嬰兒由唔識行路到可以在地上慢慢爬到可以一步一步走咁走出屬於自己獨一無二的路, 所以我地要係呢個世界度留幾十年.

人生同坐過山車一樣, 就是要有起有跌才好玩; 平平無奇一條直路的那種不是過山車, 那是觀光火車, 只適合年齡六十五歲以上加心血少的人. 想親身體驗箇中樂趣的年輕人, 還是過山車比較好!