Stay hungry. Stay foolish.

呢幾日都冇打日記, 只係上次Post左阿小send俾我的姓名童話故事, 原因實在係既長篇又大論, 總之一句講晒:黑仔!!

故事係我由香港返到美國之後發生的,首先係航空公司唔見晒我的行李,第二日搵返的時候就同Edwin去了Vicennes再去埋Bloomington度搞orientation要做的事; 跟住就係再返去Vincennes拎野準備過IU的前一晚, 有個重臨VU癲癲地的日本妹不請自來咁走左入Vincent屋企, 好醒咁將罐啤酒放左係我部電腦隔離, 仲要唔小心倒瀉埋, 結果我部臨返美國兩個星期前新買的電腦就咁燒焦, 依家勁到keyboard完成按唔到, 仲曉得自己shut down....唉! 最無奈係個日本妹完全冇諗過佢要賠返部電腦俾我, 我叫佢陪時佢又話要打電話返屋企又話要打俾律師, 點知一去就冇回頭, 到依家我再追佢叫佢賠時, 佢仲講到好似我屈佢錢咁! 今次真係慶左, 想打鑊甘既佢! 搞下搞下, 又有另外一個麻煩佬冇野搵野來做加埋入來呢件事度, 搞到件事依家有咁煩得咁煩都仲未解決到!

另一方面, 在IU register class時又遇到問題. 話說我依家仲欠一科就可以入School of Journalism, 但呢一科有好多人take, 大家爭崩頭, 而我今個sem take唔到呢科的話, 就要等到下個sem先有得take, 然後要下年先可以入新聞學院. 當日我個advising appointment係4:25, 去到見到個advisor, 同佢傾下我應該要讀咩科之類的問題. 到講好晒喇, 個advisor準備幫我打我的data入電腦度register class, 點知, 突然pop up出個"incomplete visa", 真係呆左! 個advisor同我講, 佢都唔知發生乜事, 叫我自己去international admission果度問, 問完先自己再上網register. 我諗住即刻走去internation admission果邊問啦, 點知當時已經過左5:00, 果度已經收左, 我要等到第二日先可以去, 然後先可以上網register. 但係死得啦, 我register的時候果班都得返一個位, 但當晚一定會有好多人上網register, 咁我果班咪涷過水? 結果當我第二日打去international admission度問完check晒再上去register的時候, 我已經係waiting list上面第十三個人喇! 最緊要的係, 我問international admission果邊我個visa究竟有咩問題, 佢地同我講, 其實我個visa乜事都冇, 只不過係我transfer過唻時佢地唔記得左幫我轉返個學校名. 就係咁我果班就冇左, 就係咁我今年就冇得正式入新聞學院.... 你話我知仲有咩人可以黑仔得過我?

跟住好多日都想同Alex返去Vincennes度執行李(他的行李)同整我部電腦, 本來日日都天朗氣清, 但到我地話要出門口果一刻就即刻行雷閃電, 仲要係閃到成個天都光晒果隻... 最近咁黑, 唔多唔少都擔心自己俾被雷劈, 都係唔好行住留多一日先. 第二日準備要行的時候, Alex無意中發現佢架車個AC跌左出唻, 仲要連個engine都鬆到差少少飛出街, 結果部車要拎去整, 又要滯留Bloomington多一日. 呢個都未算掂, 最好彩的係第二日我地岩岩拎返架車返Vincennes, 行左唔夠個半鐘個車頭噴煙, 我地係Highway上面真係人又冇電話又收唔到, 幾咁無助, 最慘係Alex, 大拿拿$600整車費就咁報銷. 咁岩當時有架警車跟在我地後面, 結果佢幫我地call拖車, 等左40幾分鐘架拖車終於到, 然後拖左我地去Vincennes Ford度整車. 去到剛好5:30, 班工人岩岩收工走鬼晒, 想搵個人睇下架車都冇, 唯有等第二日先可以check車同整車. 我地問Vincennes Ford度有冇架車可以借我地?住先, 佢地話冇, 但可以幫我地check下有冇其他car rental, 不過當日所有車都出晒街, 而且我地兩個都唔夠21歲, 有車都冇得租. 打電話搵下Vincennes班friends睇下有冇人可以唻接我地, 可惜有車的冇手電, 有手電的又冇車, 有手電的又搵唔到有車的...結果我地要靠阿拖車叔叔車我地返去Vincent屋企... 最黑仔的事大約係咁多, 其餘少黑的唔算就唔講喇!

呢幾日在Bloomington總算開始收拾心情, 令自己忙些少冇咁多時間諗埋班無謂人同埋事, 辛苦得來都算開心同充實. 最唔好的都係因為冇左個keyboard用要改用螢幕小keyboard, 係咁click隻mouse click到人都癲, 反而冇乜心情上網同人chat, 所以呢幾日如果你有send msg俾我而我又冇乜點理你的話請唔好介意, 等我快快手買個USB keyboard返來後就會乜事都回復正常架喇!

今個semester嘗試破紀錄take8:00堂, 今日第一日全靠阿東同阿chris叫我起身所以趕到, 唔知聽日又做唔做得到呢? 有少少期待一個蛻變後的Maggie, 阿伯都話啦, 我唔懶就已經會好掂架喇, 咁唔知我勤力的時候又會變成點呢? :p