Stay hungry. Stay foolish.

終於都去左拎Visa, 其實口講就好理直氣壯咁話一定拎到, 其實個心都不知幾怯, 怕一陣間真係一個唔好彩拎唔到時唔知會唔會俾人五馬分屍. 多得阿謙一早7:00打唻叫我起身, 於是快快手整野9:00度就出到中環, 去到排左一陣就入得去領事館, 打完手指模後再等多一個多鐘頭就到我, 領事問左我兩句就俾左個Visa我, woo~ 放下心頭大石, 成個人鬆晒!

太過?的關係, 頂唔順要返屋企小睡片刻. 臨睡前阿謙打唻問我幾時出得去, 我話點都要俾返兩個鐘頭我同周公打個招呼先, 結果一打就打左四個鐘, 在阿謙狂打奪命追魂call的情況下我先起身. 整下呢樣整下果樣又搞到成8:00先出到去, 真係對唔住我親愛的謙謙! (>.< sorry!) 同左佢上高氏度食飯, 傾下計. 傾下傾下先發現, 原來大家都真係大個成熟左好多, 原來只得我一個仲係原地踏步緊. 可能, 如果我一開始可以抱住你講果種心態過去的話, 我諗我會開心好多; 如果一開始我唔係諗將來諗得太重要的話, 我諗我成生人的經歷都會唔同左. 從前覺得自己係一個最成功的planner, 以為未來30年的一切都在我掌握之中, 邊諗到原來一個人已經可以破壞晒我所有的計劃? 今年學會左一個好重要的道理, 原來一個plan得太遠的plan係唔會work的.

同謙謙食完飯後再行左一陣(避雨), 之後就同Vicky, 大雪, 仲有Becky會合. 行下行下, 又係想搵個地方坐低食下野咁, 上返高氏, 可惜已經冇晒位. 同佢地行埋去附近的Paris, 有冇搞錯, cafe都玩搭?? 但又俾佢坐爆呀, 吹脹! 最後決定去家樂唱好K, 唱天光唱到朝早六點先走. 多謝Vicky好留心咁聽我訴心聲, 多謝大雪第二日有野做都咁俾面出唻同我癲返晚, 多謝Becky帶左西環出唻等我有機會同佢打個招呼, 多謝西環老遠都出唻(今次冇機會打返兩圈, 留返下次返唻時先同你切磋切磋啦!)