Stay hungry. Stay foolish.

最近個人冇乜生氣, 做乜都提唔起勁, 好似食左唐十二迅速增老丸咁, 做乜都無心無力. 再咁落去真係唔掂, 一定要振作先至得呀~ 金麥姬!

唔知佢果次有冇真正聽到我講, anyway我當佢聽到 :p 聽到佢應果句"唔", 成個人即刻放鬆晒! 其實我係咪真係可以做得到? 我估我得! 但出來的結果會唔會同我所想的一樣咁好呢? 難講! 呢一刻亦都唔想再諗, 依家最緊要係我個人安樂晒唔會個心忐住忐住咁已經好好, 其他的, 留返下一次先再講.

呢幾個月來一直被Monica(入面果個)上身, 樣衰神經質發癲失心瘋咩都齊晒, 唔怪之得冇人鍾意; Alex都話, 男人最驚見到Monica呢種女人, 照我話唔止係男人, 女人見到佢都驚, 俾我識著個咁既人我諗我都會忍唔住過去打佢兩鎚, 然後掛係皇后像廣場鞭屍......所以話呢, 要做一個人見人愛的女人, 一定要同內心的Monica say goodbye, 否則身邊的人唔會當你係一個女人, 只會當你係一個病人, 試問又有幾多人會去青山搵女朋友? 除非係同道中人, 唔係的話肯要你的都唔荒好得去邊.

應承左要好好利用呢一次做返個正常人, 相信正常的我的魅力應該唔會差到冇人要吧, 嘻嘻~!

在不斷埋怨的同時, 應該問問自己, 你係咪真係愛佢咁深? 唔否認一直愛住佢, 但有幾深其實我自己最清楚. 要求佢為我付出的同時, 其實我真係冇為佢做過乜; 點解我從來都未為佢做過一些好似我依家做緊的事? 我連爭取都冇諗過就放棄左, 其實自私的人會唔會係我? 算吧~ let buygones be buygones, 莫非要等到好似周星星話齋:「逝去感情如何留得住 半點痴情遺忘殊不易 太多淒淒慘慘的遭遇 我不知道......」唔通真係要去到XXX的地步先肯收手? Tidak! 學佢話齋: 將來的事冇人會知, 與其虛秏光陰懷緬一個已經唔係度的人, 倒不如珍惜時間做好自己, 等真真正正對我好的人出現仲好, 話唔定到時連死人都曉番生呢, who knows? 呵呵~

近呢幾日成日同陳標msn, 佢個人把口係衰少少, 不過個人都唔差 (暫時啦!), 同佢講開睇掌的事, 被佢改左個名做神婆, 不過......我咁就叫做神婆, 咁唔知去上堂學睇掌睇相果個又應該叫做咩呢? 哈哈! 其實大家都係講唻玩下, 如果咩都係整定而又冇得變的話, 人生咪冇晒意義? 人 - 就係世界上最大的變數, 將來好定唔好就要睇我地依家點做. 始終我最信天主, 我信所有事天主總有衪的道理同安排, 我們只要接受安排再努力做好佢, 咁幸福自自然然就會降臨在我地身上.

Ika星期四會來Bloomington整車, 好想快些見到佢 :)

最近想出手電, 唔知有咩又新又靚的機款呢? 俾少少意見我呀! Thanks~

 # posted by Maggie @ 5:44 PM