Stay hungry. Stay foolish.

呢張就係Edwin幫我講價講左六十幾蚊的床. 我聽Edwin講唔用深色間條轉行用黃色的床單, 即刻成間房都光猛晒, 有晒生氣! 床上面有晚晚陪我?的大小Elmo, 阿Bu, 小Mon, 阿闊, 仲有一個大攬枕.

每日我就係呢度做功課, 溫書同上網. 張?係Edwin同大衛兩個幫我好辛苦咁由地下搬上來四樓, 由我, Cindy同Alex三個人逐件砌出來的. 個樣唔係好靚, 勝在多櫃桶夠實用. 仲有Raphael幫我買的大班椅, 真係好舒服.

牆上面掛左阿暉俾我個告示板, 提醒自己有咩重要事要做. 隔離有誠社同埋兩張我男友的相 :p 仲有月曆, 同埋一個裝信架同兩個CD套. 下面個架係買?包埋的, 放晒我的小矮人公仔同埋化妝品, 仲有個printer收埋在最下面果層.

呢間係我housemate間房. 佢間房大過我果間好多, 原本俾佢拎左間大房我都好慶, 不過依家我間房都幾好, 冇乜所謂啦! 有時我都會過唻呢邊一齊睇<金枝慾孽>架!

呢個係storage. 剛剛搬來的時候用來放隻貓, 依家隻貓被人接走左就用來放我的行李箱.

個洗手間大唔算大細唔算細不過就幾四正, 況且我地兩個都係愛乾淨的人, 所以呢度都叫做見得下人 :p

個廳暫時係乜都冇, 得張飯?, 一個雪櫃同個微波爐. 其實仲考慮緊買唔買梳化同電視, 不過Edwin話整好左間房就算, 個廳唔好搞咁多野, 反正開左學十年都唔會係個廳喎! 又好似幾有道理, 都係諗多一陣先.

一個半開放式的廚房, 不過個oven, 細雪櫃, 連個sink都係壞的, 已經叫左人唻整, 相信不久的將來就可以開始我的煮飯生涯 (暫時都仲係過住即食米粉,通粉的日子)

呢個就係我個housemate阿東. 張相係半夜睇睇下<金枝慾孽>時影的, 所以兩個個樣都極其樣衰, 真係唔好意思. 有好多人話好羨慕我可以同個靚仔住, 下? 又有幾好呀? 唔見大家羨慕下佢有得同個靚女住? 哈哈~