Stay hungry. Stay foolish.

經昨晚同今朝同Catherine加Becky兩個人講完電話以後, 心頭又再氾起了陣陣縺綺, 係囉, 我係鴕鳥托世, 怕聽到睇到自己唔想要知唔想要聽到的事, 於是挖了一個好深好深的坑, 將自己個頭埋左入面, 想要自欺欺人; 但其實自己身形龐大, 他唔駛瞄準都可以一下擊低我. 係! 我都知呢個自欺欺人的辦法唔長久, 我都明白所有事都係我一廂情願地諗得太美好, Becky問如果最後先走的都係佢咁我點算, 我都答唔出, 我唔知道, 唯一可以做的係求佢可唔可以唔好咁殘忍對我, 我求的只係佢繼續愛我, 容我做先離開的一個. 人是自私的, 特別係呢一方面, 唔自私一點到最後受傷的就只有我自己. Catherine問我其實我係咪真係好愛佢, 一時間我居然答唔出, 愛同唔愛我已經分唔出, 對我來講亦都不再重要. 重要嗎? 曾幾何時我以為係, 不過最後我明白到要開心同幸福的第一個條件原來係要學習遺忘, 忘記所有令人難以忘懷的回憶, 忘記你有幾愛一個人, 忘記你冇左佢會唔得, 忘記那個和他廝守一生的承諾, 忘記...... 要忘記的事很多很多, 最後真係做到可以忘記何謂情何謂愛, 當身邊的那個人離開你但你卻不再難過的時候, 真正的快樂和幸福才會降臨在你身上.

其實我真係幾羨慕身邊有些朋友換男朋友的密度可以又快又高, 原來從來都冇放過個心出去都係一種褔氣, 縱使沒經靂過些什麼, 至少那顆心還是完整的; 要知道, 令人一生難以忘懷的多半是遺憾, 帶著一顆傷痕累累的心, 日子真不是普通的難過.

不得不承認我是怯弱的. 他也常說, 我太小孩子氣, 時常想什麼便要得到什麼. 這個我也很清楚. 記得阿暉以前同我講過, 他有一個讀書成績超好的朋友第一次嘗試到測驗不合格的滋味, 痛苦得死去活來; 暉話這次的失敗對其他人來說可能唔係一件大事, 但對那個人的打擊就有如由天堂跌入地獄一樣, 但這對他來說未嘗唔係一件好事, 愈早試過失敗才會愈早明白世事唔一定事事順心, 才會愈早學懂承認失敗, 才會學懂爬返起身再向前行. 一直將暉的一番說話放在心上, 只是想不到今日可以套用在我身上. 二十年來都未遇過什麼挫折, 生活順利得要遭天譴, 今日終嘗失敗的滋味, 打擊一個接一個. 二十年, 將咁多年以來的打擊一次過集中打在我身上, 個天會唔會對我殘忍左些少? 講得好信誓旦旦, 其實連我都唔肯定我可唔可以企得返起身, 再重新振作行我要行得路. 天主, 求下你可憐我, 幫我減去我的痛苦, 求你?我安定的心等我去做我應該做的事. 我好希望我可以好似佢咁, 真係可以放得低, 做返自己要做的本份, 我唔想只係企係度羨慕其他人, 我想真真正正可以做得到, 天主, 我求你幫幫我, 不要丟低我自己一個.

晚上無人相擁入眠, 輾轉反側久久未能入夢;
我願痛苦早日離我而去, 期盼夢中與你相擁.